Kolonbiako estatuak unibertsitateen aurka egindako errepresioaren berri ematen duen ‘Universidades bajo S.O.Specha’
Gaur goizean, ‘Universidades bajo S.O.Specha’ liburua aurkeztu dute Kulturaten. Bertan, 2000 eta 2019 bitartean unibertsitateetan bizi izan den Kolonbiako estatuaren errepresio-egoera kontatzen da. Liburua Miguel Angel Beltranek, Maria Ruiz Arangurenek eta Jorge Enrique Freytter-Florianek idatzi dute. Freytter-Florianek liburuaren aurkezpenean parte hartu du Kolonbiako hiru ikaslerekin batera: Xiomara Torres, Erika Aguirre eta Cristian Leiva. Hauek lau urteko kartzela-zigorra bete zuten ‘Lebrija kasua’ izeneko muntaia judizialarengatik.
2000tik 2019ra Kolonbiako unibertsitate publikoen aurkako jazarpena kontatzen du gaur aurkeztu duten liburuak. Xiomarak azaldu digunez, “Unibertsitate-komunitatearen aurka egin diren erailketak eta desapazioak kontatzen ditu, baita atxiloketa arbitrarioak eta atxiloketa judizialak ere, tartean, ‘Lebrija kasua’, gu atxilotuta egon ginena.”
2012ko irailaren 26an, Lebrijako (Santander) lursail batean, Cristian Leiva, Xiomara Torres, Érika Aguirre, Alexis Bueno, Diego Alejandro Ortega eta Carlo Carrillo ikasleak harrapatu zituzten, eta salatu zuten Polizia Nazionaleko agente batek, Cúper Diomédez Díaz Amadok, egindako muntaia judizial baten biktimak direla. Polizia Inteligentziako Zuzendaritzan sartuta dago, Peigentzia eta Pedagogiako Unibertsitate Nazionaleko ikasle gisa. Fiskaltzak bost ikasleei eta irakasleari egotzi zizkien trafiko, suzko armen fabrikazio eta garraio delituak.
Gaurko aurkezpenean Jorge Enrique Freytter-Florian idazleak ere parte hartu du, eta hasieran liburuko beste idazle baten bideo bat erakutsi da, Miguel Angel Beltran irakaslearena, hain zuzen ere. Azken hau ere estatu-terrorismoaren biktima izan da. Freytter-Florian berak azaldu duenez, “Kolonbiako unibertsitate publikoetan indarkeria politikoaren sistematizazioaren azterketa egiten du liburuak. Liburuak Xiomara, Erika eta Cristian konplañeroen kasuak dokumentatzen ditu, baita estatu-terrorismoak hil eta jazarri dituen beste ikasle eta irakasle batzuen kasuak ere. “
[video width="640" height="288" mp4="https://freytter.eus/wp-content/uploads/2021/05/WhatsApp-Video-2021-05-22-at-04.02.59.mp4"][/video]
Liburu honekin sentsibilizazio eta salaketa lana ere egin nahi izan dute. “Errealitate hau ezagutzea nahi dugu, bake prozesuaren aurretik eta ondoren. Doktrina oso bat garatzen da barne-mailan; izan ere, indar militarren estatu atrarabarrak berak arerioa bilatzen du unibertsitate publikoetan, non pentsamendu kritikoa erabiltzen den eta zalantzan jartzen den herrialdean garatzen ari den eredu neoliberala, eta horren emaitza izan dira herrialdean ematen ari diren mobilizazioak.”
[gallery ids="1627,1628"]
